ಮನಮುಟ್ಟುವಂತಿತ್ತು
ಕಿವಿತಟ್ಟುವಂತಿತ್ತು
ಮುದಹುಟ್ಟುವಂತಿತ್ತು
ಮೊದಲನೇ ಚರಣ.
ಮುಂದಿನದೆಲ್ಲ
ಬರೀ ಪುರಾಣ.
-ತುಂಟಶೀನ
15/03/2014
---------------------------------
ಬೆದರದಲೆ ಬೆರಗಾಗಿ ನಡುಗಿದೆ
ನಿನ್ನ ನೋಡಿದ ಆ ಕ್ಷಣ
ಸುರಿವ ಮಳೆಯಲು ಬೆವರ ಒಡೆಸಿದೆ
ನಿನ್ನ ಸೋಕಿದ ತಕ್ಷಣ
-ತುಂಟಶೀನ
6-3-2014
----------------------------------
ಮಂದಹಾಸವ ಮೆತ್ತಿ ಮೊಗದಲಿ
ಮಿಂದೆ ಒಲವಿನ ಕೊಳದಲಿ
ಮುತ್ತು ಮಾಗಿದ ಚಿಪ್ಪಿನೊಡಲಲಿ
ಕಂಡೆ ಕಂದನ ಬಳುವಳಿ
-ತುಂಟಶೀನ
6-3-2014
----------------------------
ಬೆದರದಲೆ ಬೆರಗಾಗಿ ನಡುಗಿದೆ
ನಿನ್ನ ನೋಡಿದ ಆ ಕ್ಷಣ
ಸುರಿವ ಮಳೆಯಲು ಬೆವರ ಒಡೆಸಿದೆ
ನಿನ್ನ ಸೋಕಿದ ತಕ್ಷಣ
-ತುಂಟಶೀನ
6-3-2014
-------------------------------------------
ಸುಖ ಅರಸಿ ಬಂದಾಗ ಸುಧಾರಿಸಿಕೊಬೇಕು
ನೋವ್ ಅರಸಿ ಬಂದಾಗ ನಿವಾರಿಸಿಕೊಬೇಕು
ಸಾವ್ ಅರಸಿ ಬಂದಾಗ ಸಾವರಸಿಕೊಬೇಕು
ಹೋಗಲು ಸಾವರಸಿಕೊಬೇಕು
- ತುಂಟಶೀನ
5-3-2014
------------------------------------------
ನಭದಲ್ಲಿನಾ ಹಬೆಯ ಸಭೆಯಲ್ಲಿ ಸಾಲಾಗಿ
ಉಭಯ ಕುಶಲೋಪರಿಯು ನಡೆಯುತಿದೆ ತಾನಾಗಿ
ಅಭಯ ಹಸ್ತವತೂಗಿ ವಸುಂಧರೆಗೆ ತಲೆಬಾಗಿ
ಅಭಿಷೇಕ ವನಸಿರಿಗೆ ತುಷಾರ ಸಿಂಚನವಾಗಿ
-ತುಂಟಶೀನ
5-3-2014
-------------------------------------------
ಪ್ರಗತಿ
ಅನಾದಿಕಾಲದಿಂದ ಬಳಸುತಿದ್ದೆವು ಗಡಿಗೆ
ಊಟಮಾಡುತಿದ್ದೆವಾಗ ಶುದ್ಧ ಮನೆ ಅಡಿಗೆ
ನಮ್ಮ ನಡಿಗೆಯು ಈಗ ಪ್ರಗತಿ ಪಥದೆಡೆಗೆ
ಮನೆಯಲಿರಲು ಸಮಯವಿಲ್ಲ ಊಟ ಹೊರಗಡೆಗೆ
ನಮ್ಮ ಊಟ ಹೊರಗಡೆಗೆ
- ತುಂಟಶೀನ 16/02/2014
------------------------------
ಚಿತ್ತ
ನಾ ಉಲಿದ ಮಾತಿಗೆ
ಉತ್ತರಿಸದವರತ್ತ
ಹರಿಯುವುದಿಲ್ಲ
ನನ ಚಿತ್ತ.
-------------------------------
ಭಾಯಿ
ಮೂಗಿನಲಿ
ನತ್ತಿರಲು
ಅನಿಸುವಳು ಬಾಯಿ
ಜೇಬಿನಲಿ
ಕತ್ತಿ ಇರೆ
ಅನಿಸುವನು ಭಾಯಿ
------------------------------
ಚಾಡಿ
ನನ್ನವಳಿಗೆ ಕೇಳಿಸಿದೆ ನಾ ಬರೆದ
ಕವಿತೆಗಳ ಮುದ್ದಾಗಿ ಹಾಡಿ
ಅವಳೆಂದಳು ಈಗ ಮಲಗಿ ಸಾಕು
ನಿಮ್ಮದಿದ್ದಿದೆ ರಾಡಿ
ಮನ ನೊಂದು ನಾಹೊದ್ದು ಮಲಗಿದೆ
ಅವಳತ್ತ ಬೆನ್ನು ಮಾಡಿ
ಅವಳೆದ್ದು ಕುಳಿತು ಶುರುಹಚ್ಚಿದಳು
ಅವರಿವರ ಚಾಡಿ
------------------------------
ಗೊರಕೆ
ಅವಳ ನೆನೆಪಾಗಿ
ಬರುತ್ತಿರಲಿಲ್ಲ ನಿದ್ದೆ,
ಎಷ್ಟೋಬಾರಿ ಇರುಳೆಲ್ಲ
ಕುಳಿತಿದ್ದೆ ಎದ್ದೇ.
ಪಕ್ಕದಲ್ಲೆ ಇದ್ದರೂ
ಬರುತ್ತಿಲ್ಲ ನಿದ್ದೆ
ಗೊರಕೆ ಸದ್ದಿಗೆ ಹಾರಿ
ಇರುಳೆಲ್ಲ ಕುಳಿತಿರುವೆ ಎದ್ದೇ.
-------------------------------
No comments:
Post a Comment